#YOUARECREDINS
Banka Credins Kosovë shpall fillimin e aplikimeve në edicionin e 3-të të programit për bankierët e rinj #YOUARECREDINS.
Programi #YOUARECREDINS është një program për studentët e rinj që dëshirojnë të zhvillojnë karrieren e tyre në sektorin bankar. Programi është i strukturuar për të kapërcyer hendekun midis mësimit akademik dhe përvojës praktike.
Pjesëmarrja në këtë program është një mundësi me anë të së cilës do të hidhni hapat e para të karrierës dhe një mundësi unike për të rinjtë e talentuar të cilët kanë dëshirë dhe synim të ndërtojnë një karrierë në sektorin bankar.
Vlen të përmendet se 12% e stafit tonë të nderuar aktual nisën karrierën e tyre profesionale në dy edicionet e mëparshme të programit për bankierët e rinj. Kjo jo vetëm dëshmon suksesin e këtij programi por gjithashtu nënvizon potencialin për sukses të qëndrueshëm që pret pjesëmarrësit e programit tonë.
PIKAT KRYESORE TË PROGRAMIT:
Trajnim i Specializuar: Ju do të keni mundësinë të fitoni njohuri mbi sistemin e financave, operacioneve bankare dhe marrëdhënieve me klientë. Gjithashtu ju do të njiheni me tendencat dhe teknologjitë me të fundit të industrisë.
Përvojë praktike: Ju do te jeni të rrethuar nga mentorët dhe ekspertët më të mirë të Bankës Credins. Gjatë periudhës së trajnimit ju do të punoni ngushtë me profesionistë me përvojë për të njohur nga afër sistemin bankar, duke përmirësuar aftësite tuaja dhe kultivuar nje kuptim më të thellë mbi sistemin.
Kurrikulë e personalizuar: E përshtatur për t’ju pajisur me aftësitë e kërkuara në sektor, kurrikula jonë fokusohet në analizën financiare, menaxhimin e riskut, e-banking dhe komunikim ndërpersonal.
Ky program është konceptuar të zgjasë rreth 3 muaj dhe është një ndërthurje e trajnimit teorik dhe praktik, i ndarë në 2 faza. Faza e parë përqëndrohet kryesisht në trajnime teorike, ndërsa në fazën e dytë trajnimi zhvillohet në vëndin e punës.
Faza 1
Trajnim me trajnues brendshëm të Bankës.
Në fund të programit të gjithë pjesëmarresit e suksesshëm do të shpërblehen për punën dhe kohën që do t’i kushtojnë kësaj eksperience, si dhe do të pajisen me një certifikatë pjesëmarrje.
PËR TU BËRË PJESË E PROGRAMIT DUHET
Plotësoni formën si më poshtë
Kandidatët që plotësojnë kriteret për aplikim do të njoftohen për të zhvilluar Intervistën në Grup.
Kandidatët që do të përzgjidhen nga Intervista ne grup do të njoftohen për të zhvilluar intervistën individuale.
NE KËRKOJMË TË NA BASHKOHEN:
Studentët të cilët janë në përfundim të diplomës (Bachelor/ Master) apo të sapodiplomuar në lëminë e ekonomisë, financave, kontabilitetit, administrimit të biznesit, matematikë financiare dhe IT (dhe te ngjashme).
Studentë që kanë dëshirë të jenë të suksesshëm dhe që u pëlqen të sfidojnë veten duke ofruar zgjidhje të shpejta, efektive dhe krijuese.
Studentë që kanë aftësi të mira komunikuese, bindëse, ndërvepruese dhe që janë të gatshëm për t’i zhvilluar më tej këto aftësi.
Studentët me notë mesatare mbi 7.5.
Aplikimet për programin #YOUARECREDINS kanë përfunduar. Nëse interesoheni për punësim pranë Bankës Credins Kosovë, ju ftojmë të ndiqni pozicionet tona vakante.